好多人都鍾意用手機聽歌,不過如果係喺公司或屋企聽嘅時候,就梗係配返個喇叭嚟聽,啲聲會更加正。不過,如果喺聽歌之餘,仲有視覺效果睇吓就更爽,好似呢個 Morisaki MO-AV-086 藍牙喇叭座,內置咗六條水柱,配埋三種顏色燈光效果,當大家熄哂燈嘅時候,一邊聽歌、一邊望住,感覺仲正過睇幻彩詠香江啦!
呢款 Morisaki MO-AV-086 藍牙喇叭座有黑、白兩種顏色嘅底座比大家揀,除咗提供藍牙播歌同通話功能外,仲有 microSD 記憶卡插槽,方便直插記憶卡播歌,配埋內置 FM 收音機加自動搜台功能,聽埋喜歡嘅 DJ 電台節目一樣得!至於部喇叭入面嘅六條水柱,會自動因應播放歌曲嘅音率而改變噴水嘅高度,配合埋三種顏色嘅燈光效果,如果叫埋另一半一齊聽歌,就成件事都變得浪漫哂。
售賣點: JC SHOP