春夏之間，天氣總是陰晴不定，出去戶外拍攝，最怕是相機給雨水或霉氣入侵。Nikon最近推出的COOLPIX S30便可為大家解困，皆因它定位為入門三防相機，$1,180的售價，已備有3米防水、0.8米防撞和防污功能。最吸引是有埋可愛的粉藍、粉紅、黑、白4色機身，睇Slide Show時仲有動畫穿插，最啱小朋友或女生使用。
圓潤粉色機身
S30圓潤的外形加上粉色設計，賣相予人可愛觀感，連按鍵都以又大又圓的按鈕作主導，當中機頂的攝錄鍵和快門鍵差不多成個一毫子硬幣咁大，易按之餘，夠晒Kawaii。機背設計方面，新機以特大十字按鍵代替變焦桿，按上按下即可Zoom近Zoom遠；不過廠方卻取消了Menu鍵，改於左邊加入4個選項掣，一按即會出現相關介面，作「返回」、「OK」等設定，操作更人性化，就算影相新手都識用。
睇相動畫得意
新機外形得意，內裏功能也極之搞鬼。選項介面的彩色圖案相當繽紛，除了有齊色調和光暗調校功能外，更與高階DC一樣，內置魚眼、模型和柔焦等數碼濾鏡，並支援720p高清拍片，功能齊全。最令人估唔到是音效和睇相功能都有搞作，前者可挑選快門和按鈕聲音，備有小狗、小雞和時鐘等9種聲效；睇相功能則備有Slide Show模式，可配上音樂和動畫特效，Cute到爆！
|
機頂大大粒攝錄鍵（左）和快門鍵（右），十分好o架。 |
快門和按鍵聲音，備有小狗、小雞等9款選擇。 |
3米防水規格
講到咁好玩，但以千多元的貨色，三防功能會否好「Hea」呢？大家可以放心，新機備有3米防水功能，可於水底操作長達60分鐘，兼可抵受0.8米防跌和防污功能，就算拍攝時不慎跣手，或於雨天拍攝一樣冇問題！加上鏡頭採用傳統的伸縮式設計，焦距為29.1~87.3mm，質素比潛望鏡式鏡頭更佳，試拍時高低光位清晰可見，到光差較大的海灘或水中拍攝都掂！
|
十字按鈕的「上」、「下」化為變焦桿，方便隨意Zoom。 |
機背左邊新增4個按鍵，取代Menu掣的功能。 |
試相區
Zoom至最遠的87.3mm，
畫質仍然清晰細緻，拍攝出機械人的質感。
|
Slide Show可插入動畫，加添可愛氣氛。 |
售價：$1,180 |
規格表
感光元件：1,014萬像素CCD
焦 距：29.1~87.3mm
光 圈：F3.3~5.9
屏 幕：2.7吋
感光度：ISO 80~1,600
體 積：101.9×64.8×39.4mm
重 量：214g
來源﹕東方日報
