數碼Gadgets向來偏向男性化，但若果攝錄機、MP3機等，全部變成色彩繽紛的積木，將砌積木的輕鬆感覺融入其中，原來亦會引得女士回眸。好似今日的模特兒Ivy，當佢見到一系列積木Gadgets，像LEGO DV、磚形DC等，甚至試用這些數碼產品幫LEGO人仔拍片影相，便玩到不亦樂乎！

自拍自導最盞鬼

砌完積木當然想影相留念，用部LEGO磚形相機或 DV襯番就最盞鬼，擺上facebook實畀人Like爆！

LOMO味相機 售價：$980

LOMO味相機

以不同尺寸的Bricks縱橫交錯，配以深紫和淺紫色炮製的DC，比起七彩Classic版更受女士歡迎。相機支援300萬像 素拍攝，內建閃光燈及32MB記憶體，唔使插卡都影到80張相；機背更附有1.5吋屏幕，仲有3塊Bricks畀你砌埋做裝飾，當LOMO相機玩就最好不 過。

繽紛音響LEGO埋身

很多人Shopping或搭車時都鍾意聽歌，如果出街有個色彩繽紛的LEGO音響相伴，肯定引死隔籬。

CD Boombox床頭播歌售價：$600

CD Boombox床頭播歌

以傳統8頭LEGO造型設計的Stereo CD Boombox，揭起頂蓋可以播放音樂CD，仲備有收音機和響鬧功能。此外，機身內建AUX In，方便接駁MP3機，更可以開啟Bass Boost強化低音效果，最啱放喺睡房聽床頭歌。

收音機當擺設

除咗大大部嘅CD Boombox之外，女士們亦可選購單頭LEGO造型的AM/FM收音機，備有多色選擇。雖然只能收聽電台節目，但勝在價格相宜，可以買來與CD Boombox砌埋一齊當做擺設！

七彩MP3機

如果拎呢部造型咁可愛的LEGO MP3機出街，定會惹來途人羨慕目光。MP3機以七彩積木組成，機身有LCD顯示資料，內藏2GB記憶體已足夠儲存過百首歌曲，由朝聽到晚都冇問題。

太陽能充電夠環保 售價：$298

配件的骰可愛

女仔鍾意可愛飾物，掛在身上或手袋唔怕累贅，市面亦有不少積木外形的iPhone殼、充電器、耳機，玩得砌得，深受女士歡迎！

太陽能充電夠環保

若各位自認大頭蝦，成日忘記為手機充電，這款太陽能充電器可說是隨身必備之物。在陽光下反轉積木曬8小時，再以USB線接上手機，即可提供額外60分鐘通話時間。

積木入耳式耳機售價：$198

積木入耳式耳機

單係睇到耳朵戴住兩塊Bricks聽歌，已覺得相當有趣，而且這款入耳式耳機僅重3g，內建9.5mm全音單元，支援20Hz~20kHz頻率響應，聽流行曲絕對綽綽有餘。

機殼貼身煲粥售價：$298

機殼貼身煲粥

iPhone機殼以軟膠製造，質地柔軟富彈性，手感舒適；附有兩塊Bricks膠貼可為機殼裝身。女仔長時間揸住「煲粥」，都唔怕搞到纖纖玉手痠軟。

拍攝積木玩Moody

Ivy覺得LEGO最好玩之處，是可以砌完再拆、拆完再砌，同一套Brick Set下次可變出其他場景，而LEGO Gadgets亦有類似體驗。「好似CD Boombox同收音機咁，實用之餘仲可以一件搭一件，用嚟做家居擺設都得。」至於近期熱賣的LEGO DV跟DC，更可將拍完的LEGO人仔短片和相片帶進網絡。「用它們拍低照片和影片，便可擺上facebook和YouTube，與人分享。」她並不介意 影像質素較低，反而拍出來夠Moody，滿有LOMO感覺呢！

                                                                                                                                                                                  模特兒：Ivy

來源﹕東方日報