一對情侶打得火熱之時，不但日常生活習慣、言行舉止漸漸變得一致，就連衣着打扮也很相似，部分高調者甚至愛以情侶裝大晒恩愛。今個秋冬，各位型男潮女唔想下下着一式一樣的服飾周街行，挽個同款手袋一樣可以愛到出面。
同款手袋冇異相
說實話，情侶裝未必人人頂得順，但挽個同款手袋則會較易接受，也不會招來別人的奇怪眼光。時裝界大部分品牌都設有男女裝，如agnes b.及Y-3等，於系列中搵個合心水的靚袋一齊孭相當容易。相反，部分品牌只提供男或女裝，如Lowrys Farm、Plotz及Hare等，不過只要揀選中性款式，男女都孭得起。
實用至上
2010年，日牌agnes b.及High end運動品牌Y-3似乎走情侶檔路線，款式以背囊、腰包和側孭袋居多，設計、用料及顏色就比較穩陣，實用至上，打孖上都唔會太高調。另外，少女日牌Lowrys Farm、本地女裝新貴Plotz及日系男牌Hare大量推出同款不同色的設計，包括布料手挽袋、綴有雙扣的側孭袋及民族腰包，以中性款式吸引一眾型男潮女加入情侶檔行列。
